اي كلام

  كل سنة وانتم طيبين , بانصحكم تعملوا كل اللي نفسكم فيه , وتاكلوا لحمة كتير وما تخافوش علي بطنكم , انهاردة يوم ربنا امر فيه الانسان بالفرح والسعادة , يوم العيد مش يوم فلسفة او نكد او اي حاجة تزعل , يوم لازم تفرح فيه , اوعي تزعل حد بتحبه او ترفض له طلب – طلب منطقي طبعا- وياريت تحاول تكون ودود مع كل الماس وتحاول تكون مصدر سعادة لبهم , لو متجوز كبر مخك من اي حاجة هايفة ممكن تضايقك او تضايق مراتك , من الاخر اتبسطوا , ويارب العيد اللي جاية علينا وكل الامة الاسلامية وكل الدولة العربية احرار ومخلصين علي كل الحكام المستبدين ومصر ان شاء الله العيد اللي جاي من غير عسكر , يارب كل واحد بيتمني شئ ربنا يحقق له امنيته , اللي عندهم اولاد ياريت ما حدش يزعل ابنه او بنته , حاول تكونوا سعداء ومصدر سعادة للاخرين . كل سنة وال 12000 المأسورين من قبل العسكر طيبين وان شاء الله احرار في اقرب وقت , كل سنة وعلاء عبدالفتاح طيب وحر قريب ان شاء الله كل سنة وكل اسر شهداءنا بخير وسعادة , وللشهداء ما زالنا نتذكر عهدنا لكم ونطمنكم ان الثورة مستمرة بحبكم في الله , وكل عام وانتم بخير